Kristian Matthíasson óskar eftir að láta af störfum sem forstjóri Arnarlax

Björn Hembre, nýr forstjóri Arnarlax
Björn Hembre, nýr forstjóri Arnarlax

Kristian B. Matthíasson einn af stofnendum Arnarlax og forstjóri félagsins mun láta af starfi forstjóra á næsta ári að eigin ósk.  Hann og fjölskylda hans ráðgera að flytjast aftur til Noregs í sumar.

Kristian áformar að taka sæti föður síns Mattthíasar Garðarssonar í stjórn félagsins auk þess sem hann mun á sinna sérverkefnum tengdum framtíðaráformum Arnarlax.  Matthías Garðarsson stofnandi Arnarlax hefur óskað eftir meira ráðrými til að sinna fjölskyldu og öðrum hliðum uppbyggingar laxeldis á Íslandi.  

Stjórn Arnarlax hefur ráðið Björn Hembre sem forstjóra Arnarlax og mun hann koma til starfa í ársbyrjun 2019.  Björn er líffræðingur að mennt og á langan og farsælan feril sem stjórnandi hjá laxeldisfyrirtækjum í Noregi.

F.h stjórnar Arnarlax
Kjartan Ólafsson